Gjeld mesteparten av landet: Kan det finnast fleire born etter Hans Hansson Høylo/Høilo, f. Breim/Gloppen/Nordfjord 1871 - omreisande bokseljar/kolportør?

[Aase R Sæther - Gloppen]

"Er no dette noko å grave i" er det somme som seier, kjem det noko godt ut av dette då?

 

Mi bestemte meining er at alle har rett til å kjenne bakgrunnen sin, og etter å ha løyst to farskaps-saker der denne mannen viste seg å vere oldefar e.l tenkjer eg at det er på sin plass å prøve å finne ut om han fekk fleire born på reisene sine enn dei 11 eg har funne til no. Nokre av dei døydde små eller unge, men der er heile 8 som hadde etterkomarar.

 

Her er han i Histreg - https://www.histreg.no/index.php/person/pd00000031071338 - med 10 registrerte born med 9 kvinner. Eit ellevte er lenka til i merknadsfeltet, sidan det der openbart er opplyst feil far ved dåpen er det ikkje muleg å koble det inn på Histreg, men her ligg det føre ein eintydig dna-test.

 

Den vedlagde fila inneheld dei opplysningane eg har funne om han - eg håpar den kan lesast.  Her er også eit muleg 12.barn med, fordi det er nære treff i USA; dette KAN forklarast som barn av sysken, men det har vi ikkje klart å påvise. Der er også med to funn som eg kan fastslå IKKJE gjeld same mannen.

 

Den av dokke som har namnet Høylo i ulike variantar på dna-trefflista utan å kjenne samanhengen, bør studere dette emnet ekstra nøye (flest treff på MyHeritage). Som det framgår av arket, finst det dna-testar i etterslekta til 4 norske born, og eit muleg amerikansk.

Revidert Høylo-etterslekt (1).xls

Endret Onsdag 16:44 av Aase R Sæther - Gloppen

[Sven Hjortland]

Kan dette være Hans i FT1910? https://www.digitalarkivet.no/census/person/pf01036743002277

[Aase R Sæther - Gloppen]

2 timer siden, Sven Hjortland skrev:

Kan dette være Hans i FT1910? https://www.digitalarkivet.no/census/person/pf01036743002277

Det trur eg forsyne meg du har rett i. Fødselsdatoen er den same, og der er ingen andre Hans'ar den dagen. 

[Aase R Sæther - Gloppen]

Folketellinga 1910 var 1.desember. Han er tydelegvis gardsstyrar for enkja Ingeborg Arnesdtr, fødd på Bø som er nabogard til Høylo. Den delvis vanføre Ole er sonen hennar, og Inger og Brita er døtre av Hans Høylo sin bror Jakob.

 

Litt dårleg gjort av meg å ikkje ha funne dette, vil eg seie!

[Jon Sværen]

Du finn ikkje alt, Aase, men jaggu finn du mykje !

[Kirsti Rye]

Det kan se ut som at han er far til Ingrid Bergljot her. 

 

https://www.digitalarkivet.no/view/255/pd00000043516137

[Aase R Sæther - Gloppen]

2 timer siden, Kirsti Rye skrev:

Det kan se ut som at han er far til Ingrid Bergljot her. 

 

https://www.digitalarkivet.no/view/255/pd00000043516137

Utan tvil! At han formenes å ha 3 børn andetsteds må vel seiast å vere ein mild underdrivelse. Mange takk!

[Aase R Sæther - Gloppen]

Dette viser seg å vere ei av dei som ikkje rakk vaksen alder - https://www.digitalarkivet.no/view/267/pg00000002126596