[#10897] Stor trafikk

[Gjest Jan Oldervoll]

DA var på Vestlandsrevyen tidlegare i kveld. Då dobla trafikken seg. Så ser det som om me må ha vore på Norge i dag seinare. No har trafikken eksplodert; på 20 minuttar var det over 1000 maskiner som prøvte logga seg på. Det har servaren vår problem med; det går noko haltande for tida. Men han gjer så godt han kan. Så det kjem seg nok om ein time eller to.

[Gjest Jan Oldervoll]

Eg er lei for problema de hadde i går kveld. me hadde då tre gonger det normale som brukte Digitalarkivet, og det var heilt sikkert mange som ikkje kom inn i det heile. Også i dag er trafikken stor; det doble av det me er vane med.Me trur vel at me har fått ein god del nye brukarar og førebur oss på det. Det eg alt har gjort er å flytta debattforuma over på ein eigen maskin. Men gamle lenker vil framleis fungera, men då må nok i alle høve skriva inn namnet ditt ein gong til. I tillegg har me kjøpt nye musklar til servaren. Men det tek nok nokre dagar før dei er på plass. Eg er redd for at det kan bli litt server offline om kvelden i dagane framover. Me får sjå.

[Gjest Aase R.Sæther]

Innslaget i Vestlandsrevyen var svært bra! Det var dessutan artig å få sjå 'tenarane' våre slik dei verkeleg ser ut, både den firkanta boksen under bordet og den tobeinte som held orden på han. Men for eit middels trena husmorauge kunne det sjå ut som den under bordet kunne trenge å bli tørka støv av - ?

[Gjest Jan Oldervoll]

Og eg som trudde eg hadde rydda så fint! Men eg innrømmer gjerne at eg aldri fekk utdelt noko husmorauga.

[Gjest Aase R.Sæther]

Ryddinga var upåklageleg, men det var eit par luftespalter på 'den svarte boksen' som såg ut til å trenge ei avstøving, det var ikkje verre enn som så. No når vi er blitt så mange, kan vi ikkje risikere varmgang inni der, må vite.

[Gjest Jan Oldervoll]

Eg skal sjå etter i morgon, og gå nennsomt over med støvkluten. For varmgang er eg redd for, nett no. Den tidlegare rekorden vår for søk på ein dag var 180.000. Dette talet passerte me alt før klokka åtte. Om me ikkje vert kjørte i senk vil me nok koma opp i bortimot 240.000 søk i dag. Meir enn det klarer han vanskeleg, før me har fått på plass meir minne og to nye prosessorar eg tinga i dag.

[Gjest Tore Turøy]

Etter at debattforuma vart flytta til ein eigen maskin, fungerer ikkje menylina (Kjelder ordna etter:) frå desse sidene lengre. Det kjem berre fram ’Ukjent fil’. Det har vel med kommunikasjonen mellom dei to ’tenarane’ å gjera. Det er ikkje noko stort problem, men eg vil berre gjera merksam på det.

[Gjest N B Macdonald]

Men du kan klikke deg vidare frå 'Ukjent fil'-sida, sant?

[Gjest Barbara Lose]

Men dersom man klikker seg tilbake til Framsida, er feltet for Meldingane blank.

[Gjest Anette Skogseth Clausen]

Det blanke meldingsfeltet skyldes et ett-tall som på mystisk vis har sneket seg inn i adressen til framsiden og som kun Oldervoll kan fjerne.Klikker du på lenken Meldingar i den grå menyen, får du meldingsteksten på plass.Oldervoll er tilbake i neste uke og da håper vi at lenketrøbbelet skal bli ordnet.