SF Gloppen: Jakob Nilsson Slagstad (ca 1734-1795) og kona Brite Olsdtr (ca 1743-1791) - kvar kom dei frå?

[Aase R Sæther - Gloppen]

Dette paret har ergra meg lenge, og eg er spent på om nokon kan gje meg eit hint om opphavet deira.

 

Dei er ikkje vigde i Gloppen, men får fleire born her:

 

Jens 1773 - Ingeborg 1775 - Jens 1778 - Nils 1780 - Olane 1783 - Henrik 1786 - Katrine 1788 - Brite og Jakob 1791. Alle borna har fadrar frå nabolaget, og eg får såleis ikkje noko hint om foreldra sin bakgrunn gjennom faddervalet. Eg har stussa over namnet Jens og tenkt at Brite kanskje har vore enkje når ho gifte seg med Jakob, og at det er hennar avdøde mann som er oppkalla, men det er berre spekulasjon.

 

Brite døyr på barnseng med tvillingane i 1791, og i 1795 døyr også Jakob. Han har i mellomtida vore i eit barnlaust ekteskap med Ingeborg Rasmusdtr Alme.

 

Skiftet etter Jakob inneheld borna Ingeborg, Nils, Olane, Henrik og Katrine, med alder frå 20 til 7 år. Dessverre er gjelda i buet så stor at det ikkje blir noko å dele, så dermed er det ikkje noko å hente gjennom namn på formyndarar. Det er heller ikkje andre opplysningar i skiftet som peikar på Jakob sitt opphav. Brite er det ikkje skifte etter.

 

Yngstejenta Katrine blir buande hos stemora på Slagstad, og Olane er i teneste på eit nabobruk i 1801. Både Ingeborg og Nils er på Aa i Hyen i 1801, og eg har leita etter ein slektsforbindelse der og, utan at eg har kome over noko av interesse. Henrik trur eg kanskje eg finn på Myklebust i Bremanger (altså ikkje Ålfoten), men er usikker.

 

Henrik får seinare barn med ei jente frå Aa i 1809, og seinare finn eg han att i Bergen, der han stifta familie. Siste observasjon av Ingeborg er på Mardal i 1815 - Katrine er på Alme i 1815, og Nils gifte seg med enkja Brite Devik i 1816.

 

Etterslekta til borna vidare er ikkje så nøye med, men KVEN ER Jakob Nilsson og Brite Olsdtr?

 

 

Endret Mars 29, 2017 av Aase R Sæther - Gloppen

[Rune Thorstensen]

Har du sjekket ut dette paret i Eid/Hornindal som giftet seg 24.05.1768. Jacob Nielson B(R)ache og Brithe Olsdtr. Mælem?

 

http://gda.arkivverket.no/cgi-win/webcens.exe?slag=visbase&sidenr=1&filnamn=vi14431741&gardpostnr=540&personpostnr=2117&viskorrektur=true

 

http://gda.arkivverket.no/cgi-win/webcens.exe?slag=visbase&sidenr=1&filnamn=vi14471750&gardpostnr=487&personpostnr=973&merk=973#ovre

Endret Mars 29, 2017 av Rune Thorstensen

[Aase R Sæther - Gloppen]

Nei - dei har eg ikkje funne; takk for tipset, eg  skal sjå på dei!

[Rune Thorstensen]

Jeg ser det er skifte etter en Henrik Nielsson på Rake i Olden i 1813. Kanskje en bror? Jacob hadde jo en sønn med det navnet.

 

[Aase R Sæther - Gloppen]

Eg sit akkurat med skifte etter Ola Hansson Mæleim og kona Ingeborg (!) i 1754 - dei har ei dotter Brite som er 8 år, heilt passeleg med alderen på "mi" Brite. Dette luktar av fugl...

[Aase R Sæther - Gloppen]

Det ser ut som eg skuldar deg ein virtuell pokal full med sjampanje, Rune. Skiftet etter Anne Henriksdtr Rake i 1769 inneheld ein fullmyndig son Jakob Nilsson - og lukta av fugl blir stadig kraftigare.

[Inge Nygård]

Skiftet etter Henrik Nielsen Rake nemner broren Jacob Nielsen Vereide sine 5 attlevande born. Eg reknar med at Jacob Vereide = Jacob Slagstad?

 

https://media.digitalarkivet.no/sk20081201680354

[Aase R Sæther - Gloppen]

Eg sat akkurat og las det same som du, Inge, og er strålande fornøgd. Dette må vere rette folka ja.

[Aase R Sæther - Gloppen]

Og her får dei nok eit barn på Rake - http://gda.arkivverket.no/cgi-win/webcens.exe?slag=visbase&sidenr=1&filnamn=dp14471750&gardpostnr=1933&personpostnr=5798&merk=5798#ovre

[Aase R Sæther - Gloppen]

Det einaste som no ergrar meg, er at eg ikkje greidde å finne vigsla sjølv. Dette var ei ripe i lakken ;-)

[Rune Thorstensen]

Ingen grunn til å ergre seg Aase. Da hadde ikke jeg fått anledning til å hjelpe deg. Så du har jo egentlig gjort meg en stor tjeneste :-)

 

[Aase R Sæther - Gloppen]

Ja slik kan ein også sjå det :-D