Tyde dato ved konfirmantinnførsler – Tinn 1759/1760 – Dom. Misericordias Di.??

[Anfinn Bernaas]

Eit siste detaljspørsmål frå meg om denne protokollen 1757–1810.

 

Ved konfirmantinnførslene i 1759 og 1760 er dato ført som Dom. Misericordias Di. Eg trur iallfall det siste er Di., og at det i så fall er avkorta for Domini = sundag. 

 

Men er ikkje dette smør på flesk? Det står jo Dom./Domini  framføre Misericordias.

 

Tinn kirkebøker, SAKO/A-308/F/Fa/L0002: Ministerialbok nr. I 2, 1757-1810, s. 490-491
Brukslenke for sidevisning: https://www.digitalarkivet.no/kb20061211340218
 

Endret Desember 7, 2022 av Anfinn Bernaas

[Ivar S. Ertesvåg]

35 minutter siden, Anfinn Bernaas skrev:

Ved konfirmantinnførslene i 1759 og 1760 er dato ført som Dom. Misericordias Di. Eg trur iallfall det siste er Di., og at det i så fall er avkorta for Domini = sundag. 

 

Men er ikkje dette smør på flesk? Det står jo Domini fullt ut framføre Misericordias.

 

Ja og nei ...

 

Først: "Dom."= "Dominica" = sundag.

Namnet kjem av innleiinga (latin "introitus"): I den katolske kyrkja song ein dette under prosesjonen inn; I den luterske las ein det i byrjinga.

Innleiinga inneheld gjerne eit vers frå ein av lesetekstane; for 2. sundag etter påske var det Sal.33.5

“Misericordia Domini plena est terra” - eller "av Herrens miskunn er jordi full." (Bibelen 1938)

 

 

[Anfinn Bernaas]

Takk igjen. Men denne avkortinga Di., som eg trur det står, les du denne som eg gjer?

[Ivar S. Ertesvåg]

iallfall i 1759 les eg "Dni"  - som kan vere forkorting for "Domini" (latinske forkortingar er ofte starten og slutten på ord).

I 1760 ser det ut til at det også er prikk (over ein i), men i så fall er n-en redusert.

 

Same i dåpslista - men like vanskeleg å sjå nøyaktig : https://www.digitalarkivet.no/kb20061211330667

 

[Matthias Kolberg]

Jeg tror presten her mener det skal stå

Dominica misericodia Domini

som altså betyr Søndagen for Herrens barmhjertighet

 

Se også 1770, der siste ord er forkortet Dom.

Tinn kirkebøker, SAKO/A-308/F/Fa/L0002: Ministerialbok nr. I 2, 1757-1810, s. 494-495
Brukslenke for sidevisning: https://www.digitalarkivet.no/kb20061211340220
 

[Anfinn Bernaas]

Eg takkar så mykje for interessa! Eg har lært av ordvekslinga at Dom. altså kan vera avkorting for både Dominica (sundag) og Domini (Herren), og det er verdfull kunnskap å ta med. 

[Matthias Kolberg]

37 minutes ago, Anfinn Bernaas said:

Domini (Herren)

Ja, men merk at Domini er genitiv, altså Herrens. Nominalformen er Dominus

[Matthias Kolberg]

Så er selvsagt også betydningen av ordet for søndag, Dominica, «Herrens dag», så det er ikke tilfeldig at forkortelsene blir like.